HStAOrient5a: 39r

Quvvet‑i qudsīye dėyü ʿaql bi‑l‑melekenüñ nihāyet‑i mertebesine dėrler. // Şerḥ‑i İşārāt eyidürür: Āyet‑i nūrda mişkātdan murād mertebe‑i // ūlādur. Zücācdan murād mertebe‑i s̱ānīyedür. Mıṣbāḥdan murād // mertebe‑i s̱ālis̱edür. Nūr ʿalā nūrdan murād mertebe‑i rābiʿadur. // Taḥqīq‑i ḥaqīq budur ki ḥaqīqat‑i insānīye nefsü l‑emrde şeyʾ‑i // vāḥiddür. Ammā anuñ‑çün merātib‑i muḫtelife ve iʿtibārāt‑i mütenevviʿa // var. Ve müdebbir‑i beden olduġı iʿtibāriyle nefs‑i nāṭıqa dėrler. // Ve ẕū‑ciheteyn olub bir ciheti mebdeʾ‑i külle ve bir ciheti nefs‑i hayevānīyeye // nāẓır olub beyne l‑ciheteyn münqalib olduġı‑çün qalb dėrler. // Ve nefs‑i ḥayvānīyeye cihetinden iʿrāż ėdüb mebdeʾ‑i küll cihetine // iqbāli iʿtibāriyle ʿaql dėrler. [Ve ḥayāt‑i ẕātīyesi olub] ve ḥayāt‑i bedene sebeb ve quvā‑yi // bedenīye andan mükteseb olduġı iʿtibāriyle rūḥ dėrler. Ve ciheteyn‑i // meẕkūrından ẕuhūl ėdüb envār‑i ṣıfāt‑i subḥānīye bi‑ẕ‑ẕāt // gendü ẕātında bulduġı iʿtibāriyle sırr dėrler. İlā ġayri ẕālika // mine l‑ʿibārāt. Ẕikr olınan uṣūl eks̱er‑i ʿulemāʾ‑i şerʿ qatında // maqbūldür. Mesʾele: Nefs‑i insānī ḫāne‑i beden ḫarāb olduqda // aña merciʿ ve meʾāb nedür? Cevāb: Ekābir‑i ḥükemā ve mütekallimīn qatında nüfūs‑i // mücerrede‑i insānīyenüñ ḥudūs̱ı müttefequn ʿaleyh olduġı [gibi] baʿde ḫarābi l‑beden // beqāsı daḫı müttefequn ʿaleyhdür. Ammā ḥükemādan rūḥa mizācdur dėyenler